Холандскиот репрезентативец Арно Груневелд, кој игра за англискиот премиерлигаш Борнмут бил упасен по грешка непосредно пред да се воведе карантинот во Англија.
Играчот кој е роден во Нигерија, но настапува за Холандија и заличел на полицијата на убиецот што го бараат и дури и бил уапсен. По куса расправија со полицајците и објаснувањето на 23-годишниот напаѓач на Борнмут дека го погрешиле човекот, Груневелд бил пуштен. Ова се случувало на 16. март непосредно пред да букне пандемијата со Ковид-19 во Англија и да биде прогладен задолжителен карантин.
„Ме посрамотија пред многу луѓе. Дел од нив се исплашија од акцијата на полицијата, а дел застанаа и ме фотографираа. Прашав зошто ме апсат, но реагираа агресивно. Почнав да се расправам со нив и откако сфатија дека погрешија се повлекоа. Не си тој што го бараме беше одговорот по кусото и непотребно малтретирање“, изјави Груневелд, играч што има два настапи за холандската репрезентација.
Тој ја игра првата сезона во Англија, откако лани од Бриж пристигна во редовите на Борнмут. Имаше и проблеми со повреда, па настапи на само 9 меча сезонава, што ќе ја памети и по хоророт што го преживеа со апсењето во март, за среќа без последици.
