Конор Мекрегор заработи скршеница на ногата на борбата против Дастин Појре и по вторпат во шест месеци загуби од Американецот. По направената операција, Мекрегор дури шест недели треба да биде на патерици, а дури потоа ќе го започне процесот на рехабилитација.
Тоа што се знае уште од сега е дека Мекрегор сигурно нема да може да влезе во октагонот најмалку една година.
„Ќе му бидат потребно една година за да се закрепне и затоа не знам кога повторно ќе може да го видиме во борба. Ова е жестока игра, а Конор изгради големо име и заработи многу пари. Ќе видиме како ќе се одвива неговата кариера“, изјави првиот човек на УФЦ, Дан Вајт.
Мекрегор во кариерата има 28 борби, од кои 22 победи и шест порази.
