Пред почетокот на Светското првенство имаше шпекулации дека Иран може да биде исфрлен од Мундијалот во Катар, но тоа не се случи и тие се дел од најдобрите. Сепак, дека нешто не е како што треба во оваа репрезентација, се покажа уште пред почетокот на дуелот со Англија.
Во моментите кога започна интонирањето на иранската химна, од трибините на стадионот започнаа свирежи, и тоа од навивачите на Иран. Фановите со тоа сакаа да изразат негодување поради репресијата и полициското насилство над жените во таа земја. Освен свирежите од навивачите, бојкот покажаа и фудбалерите кои решија воопшто да не ја пејат својата химна.
Und kein einziger des iranischen Nationalteams hat gerade gesungen. Ein Statement, stumm, aber klar für die Revolution auf den Straßen im #Iran. #WM2022 #IranRevolution2022 pic.twitter.com/Pq7qdpsRLe
— Natalie Amiri (@NatalieAmiri) November 21, 2022
Целиот проблем започна со бруталното убиство на 22-годишната Маша Амини, која со живот плати затоа што неправилно го носела хиџабот. По тоа убиство, започнаа жестоки протести по улиците, а полицијата брутално се обиде да ги задуши сите јавни собири.
Досега во 92-годишната историја на Мундијалите никогаш не се случило химната да биде исвиркана од сопствените навивачи.
