Ветеранот Марко Вујин ќе игра за Вардар една година откако двете страни се договорија за соработка за идната сезона. Леворакиот бомбардер со одлично педигре има 35 години, а пристигна во редовите на сè уште актуелниот европски првак од Спортинг Лисабон.
Вујин во минатото играше за европските гиганти Веспрем и Кил, а е еден од најдобрите стрелци во историјата на српската репрезентација со 489 гола на 126 натпревари.
Вујин игра на позицијата десен бек и е леворак, а пак неговото искуство и квалитет ќе бидат добредојдени за Вардар.
Претходно Црвено-црните се засилија со голманот Кантагрел, потоа и со Јагуриновски, Талески, Георгиевски, Гаџа и Векиќ, па полека се склопува мозаикот за следната сезона.