Сите посетители на ракометниот натпревар помеѓу Вардар и Веспрем од ЕХФ Лигата на шампионите, кој е закажан за в недела, 1 декември, во СЦ „Јане Сандански“ во Скопје, при влез во салата ќе мора да покажат ПЛАСТИФИЦИРАН СЕЗОНСКИ билет, или поединечен билет за тој натпревар.
Од клубот велат дека нема да биде дозволен влез со ХАРТИЕН А4 ВАУЧЕР ЗА СЕЗОНСКИ БИЛЕТ.
„Доколку поседувате ваков хартиен ваучер, истиот ќе морате да го смените со пластифициран сезонски билет, што можете да го добиете на билетарницата на СЦ „Јане Сандански”. Во спротивно нема да ви биде дозволен влез во салата. Ова се однесува само за сезонските билети кои се купени пред почетокот на сезоната. Работното време на билетарницата е секој работен ден од 10 до 18 часот“ – објаснуваат од Вардар.
