Манчестер сити не делуваше доминантно како во претходните 19 победи, меѓутоа резултатот од 2-1 против Вест хем беше доволен за да се оствари 20-тата последователна победа во сите натпреварувања за тимот на Пеп Гвардила, кој патем стигна до 500-тата менаџерска победа во кариерата, односно 200-та како предводник на гигантот од Манчестер.
500 – Manchester City’s victory against West Ham saw Pep Guardiola pick up his 500th victory in charge of a top-flight side in all competitions (Barcelona 179 wins, FC Bayern Munich 121, Manchester City 200). Historic. pic.twitter.com/M5kitGe9PI
— OptaJoe (@OptaJoe) February 27, 2021
Чеканите во поголемиот дел од средбата на „Етихад“ беа достојни противници, дури може да изненадат во првото полувреме. Сепак, во моменти кога не функционираше нападот на домаќините, проработе дефанзивното дуо Дијаш – Стоунс, кои погодуваа за освојување на трите бода.
Дијаш заби со глава по одличната асистенција на Де Бројне во 30-тата минута, по што Антонио пред паузата успеа да израмни за Вест хем. По долго притискање за нов водечки погодок, Граѓаните направија опсада пред голот на Рендолф, па така Стоунс го најде патот до мрежата во 68-та минута.
Сити се зацврсти на врвот на табелата со 62 бода, 13 повеќе од второпласираниот Манчестер јунајтед, додека Вест хем остана на четвртото место со 45 бода.
https://www.dailymotion.com/video/x7zln7x
