Лео Вестерман во следните две години ќе го носи дресот на турскиот гигант Фенербахче откако денеска се официјализираше ангажманот на Французинот. Плејмејкерот им се придружи на сонародниците Нандо де Коло и Жофри Ловерњ во Истанбул, а тренерот Обрадовиќ доби квалитетно засилување на креаторската позиција.
Вестерман минатата сезона беше во тимот на Жалгирис Каунас, каде што бележеше просек од 6,8 поени и 3,1 асистенции по натпревар сметајќи ги само средбите во Евролигата. Претходно ги бранеше боите на ЦСКА Москва, Лимож и Партизан.
Fenerbahçe Beko'ya hoş geldin @westermann_leo! 💛💙
👉 https://t.co/TreHY2u21w pic.twitter.com/ljABqBatDI
— Fenerbahçe Beko (@FBBasketbol) July 12, 2019