Кошаркарите на Оклахома сити тандер фуриозно ја започнаа одбраната на титулата. Со феноменална одбрана го скротија Феникс, а погодуваа некои тешки шутеви и на крајот славеа со 119-84.
Се чини дека на Феникс му се заканува вистинска катастрофа во оваа серија.
Импресивно е како функционираше одбраната на актуелниот НБА шампион, а од другата страна Холмгрен успеваше да погодува и постигна дури 13 поени во првата четвртина.
Met at the rim by Shai 😮💨 https://t.co/9mxyD4v0WV pic.twitter.com/LckhSlWKfI
— OKC THUNDER (@okcthunder) April 19, 2026
Во нападот му се придружи Гилџес-Александер во втората четвртина, а кога Феникс ќе направеше неколку добри акции преку Брукс или Букер, веднаш следеше конкретен одговор на спротивната страна.
Принудени на тешки шутеви, кошаркарите на Санси многу промашуваа, а предноста требаше да биде уште поголема за Оклахома според прикажаното до почетокот на последната четвртина, кога на семафорот стоеше 97-66.
Шеј Гилџес-Александер имаше 25 поени, седум асистенции и четири скока, Вилијамс 22 поени, седум скока и шест асистенции, а Холмгрен застана на 16 поени, сите постигнати во првото полувреме.
Бостон селтикс беше убедлив на домашен терен против Филаделфија и славеше со 123-91. Џејлен Браун постигна 26 поени, а Џејсон Тејтум уфрли 25 поени за победничкиот тим.
Сан Антонио спарс го совлада Портланд трејлблејзерс со 111-98, а прв играч на средбата беше Виктор Вембањама со 35 поени, пет скока и една асистенција.
Орландо меџик славеше на гости против Детроит пистонс со 101-112. Иако Кејд Канингем уфрли 39 поени за домашниот состав, сепак, Детроит со тимска игра стигна до триумф. Паоло Банкеро беше стрелец на 23 поени, а Фриц Вагнер постигна 19.
