Дуелот на САД и Шпанија ќе биде најпривлечно четвртфинале на машкиот кошаркарски турнир на ЛОИ во Токио, но и другите три меча ќе бидат интересни. Она што е сигурно, е дека во финалето сигурно ќе има една европска селекција, затоа што победникот од четвртфиналињата Франција – Италија и Словенија – Германија, ќе играат меѓусебе во полуфиналето.
На другата страна на костурот се три неевропски селекции, плус Шпанија. Црвената фурија ќе се обиде да изненади и да направи европски финале во Токио, но поголеми се шансите во финале да има американска или австралиска репрезентација.
