Екипата на Киелце е првиот финалист во ракометната Лига на шампиони, откако во меч со многу погодоци славеше над Веспрем со 37:35. Ова е еден од најефикасните мечеви на фајнл-фор турнирите, а Киелце одигра фантастично второ полувреме и затоа ќе се бори за трофејот.
Can you believe it?! 🤯 Astonishing goal from @kielcehandball after only two minutes! Ever seen such an amazing goal so early in an #ehffinal4 ? 😳
The show has definitely started! 🔥 #ehfcl #showtimeforchampions pic.twitter.com/BvBLqhHeEN
— EHF Champions League (@ehfcl) June 18, 2022
Веспрем подобро го отвори мечот и повде со 7:5 и во продолжение од првиот дел не дозволи противникот да поведе. Најголемата предност Веспрем ја имаше пред крајот на првиот дел кога имаше водство од 17:14, а на полувреме унгарскиот тим водеше со 18:16.
Второто полувреме беше во знакот на нападот на Киелце. Полскиот тим најпрво стигна со 18:18, а потоа при резултат 20:19, Киелце направи серија од 4:0 и стигна до предност од 23:20. Во неколку ситуации Киелце водеше и со 4 разлика, последен пат (34:30).
Веспрем стигна до 33:35, но Киелце даде гол за 36:33 во пресрет на последната минута и беше јасно кој ќе игра во финалето.
Во второто полуфинале ќе играат Кил и Барселона.
