Пауло Дибала едвај се движи по вчерашната повреда на коленото на дуелот со Сасуоло, што му носи грижи на Андреа Пирло и на сите во Јувентус.
Аргентинецот утринава се упати кон комплексот на Јувентус на „Алијанц стадионот“ во Торино, но беше видливо дека има проблеми со движењето.
#Juventus: controlli in corso al J Medical per #Dybala // #Dybala is at the J Medical for checks after his injury against Sassuolo 🇦🇷⚪️⚫️@GoalItalia pic.twitter.com/NWIXTHJTwh
— Romeo Agresti (@romeoagresti) January 11, 2021
Вчера беше заменет во 42-рата минута на дуелот со Сасуоло, откако заработи повреда на коленото, а малерите на Јувентус само ги дополнија и повредите на Мекени и на Кјеза.
Кјеза издржа најдолго, играше до 86-тата минута во победата на Јувентус од 3:1, но и тој не е сигурен за големиот меч што ѝ следува на Старата дама.
Јувентус ќе му гостува на Интер на 17 јанури, во популарното „Дерби на Италија“, што може да биде клучен меч во одбраната на титулата на „црно-белите“ од Торино.
