Александер Волкановски успеа да ја одбрани титулата во перолесна категорија во УФЦ 251 на спектакуларниот турнир во Абу Даби и повторно го победи Макс Холовеј во меч што предизвика многу реакции.
Со одлука на судиите Австралиецот со македонско потекло победи со 2:1, а резултатот беше тесен и борбата многу израмнета. Двајца судии бодуваа победа на Волкановски со 48:47, а третиот со истиот резултат му даде предност на предизвикувачот Холовеј.
Американецот подобро ја почна битката за шампионскиот појас во перолесна категорија и во првите две рунди беше доминантен.
Кам-бекот на шампионот, или како што го нарекуваат Александер Велики, почна во третата рунда, а продолжи во последните две што му донесе и одбрана на титулата.
https://www.youtube.com/watch?v=9C3rEzqQf-k
Ова е втора победа на Волкановски во вториот меч против Американецот, откако беше подобар од Холовеј и во декември лани.
Одлуката на судиите да му доделат победа на шампионот, кој првпат го бранеше тронот предизвика многу реакции, а мислењата се поделени. Поголемиот дел сметаат дека Холовеј беше подобар и требаше да победи, но најважно за Волкановски е што остана непоразен и во деветтиот меч во перолесна категорија.
Вкупно во УФЦ билансот на актуелниот шампион е 20 победи и само еден пораз.
If you think Max won, I don't think that's egregious. But Twitter calling this a robbery is absurd. Look at these stats.
Statistically, Volkanovski won more decisively than he did in the first matchup. #UFC251 pic.twitter.com/iIt6wC1PkE
— Mackenzie Kraemer (@MackNova) July 12, 2020
