Патрик Беверли само на хартија беше член на Мемфис гризлис по трампата од Лос Анџелес клиперс, а веќе е нов играч на Минесота тимбервулфс.
Еден од најдобрите дефанзивци во најсилната лига на светот повторно беше дел од НБА-трампа и замина во Минесота тимбервулфс, а во спротивен правец во Мемфис гризлис пристигнаа Џарет Кулвер и Хуанчо Ернангомес.
Сето ова на 33-годишниот бек му се случи во краток рок од два дена, што не е невообичаено во НБА-лигата. Беверли на сличен начин ја почна и кариерата, откако на драфтот во 2009 година го одбра Лос Анџелес лејкерс и потоа само еден ден подоцна му ги префрли правата на Мајами хит.
The Memphis Grizzlies are trading Patrick Beverley to the Minnesota Timberwolves for Jarrett Culver and Juancho Hernangomez, sources tell ESPN.
— Adrian Wojnarowski (@wojespn) August 17, 2021
Беверли пред два дена беше дел од трампата меѓу Клиперс и Мемфис, а со него кај Мечките заминаа и Ражон Рондо и Даниел Отуру.
Во рок од околу 48 часа Патрик беше член на три НБА-клубови. Од Лос Анџелес клиперс замина во Мемфис гризлис, а оттаму во Минесота тимбервулфс.
Беверли е запишан во историјата на НБА -игата како прв освојувач на наградата „НБА Хастл“ во 2016 година, а еднаш беше и дел од најдобрата дефанзивна петорка во најсилната кошаркарска лига на светот.
