Денеска од рано наутро чешката полиција во соработка со обвинителството спроведува акција за апсење на осомничени за кривични дела влијание на конечните резултати на фудбалските мечеви во тамошниот фудбал. Локалните медиуми потенцираат дека се работи за најголемата акција на полицијата насочена против корупција во историјата на фудбалот во Чешка.
Според последните информации, дури 47 луѓе се уапсени, меѓу кои има фудбалери, судии, клупски функционери… Меѓу уапсените се и прволигашкиот играч на Карвина (моментално осмопласирана екипа во лигата), Самуел Шигут, потоа претседателот на клубот Јан Вол и двајца прволигашки судии Јан Вшетечка и Мирослав Зелинка.
Доколку се утврди дека сите претходно споменати се одговорни за делата за кои се обвинети, тие се соочуваат со строги казни, според Чесите, со доживотно исклучување од индивидуалниот фудбал и испаѓање на клубот (Карвина) во пониска лига.
Сите горенаведени беа вклучени во натпреварот што се најде под лупа на истражните органи, дуелот помеѓу Карвина и Чешке Будејевице, кој се одигра на 16 март 2024 година. Домашниот тим во тој момент беше последен на табелата со 16 бода, гостите беа едно место пред нив со два повеќе и играа за опстанок во лигата.
AKTUÁLNĚ: Právě probíhá největší policejní zásah v historii českého fotbalu. Policie sebrala desítky lidí. Jedná se o souvislost s korupcí utkání v souvislosti se sázkami. Týká se i nejvyšší fotbalové soutěže a pak nižších soutěží včetně mládeže. Vedení FAČR svolává mimořádný… pic.twitter.com/qk7oA1xiZc
— Strahovský hlídač (@StrahovHlidac) March 24, 2026
Јан Волф, тогашен претседател на одборот на клубот и воедно градоначалник на Карвина, е осомничен од страна на Чешкиот комитет за етика во фудбалот дека им нудел поткуп на главниот судија Вшетечек и на судијата во ВАР-собата, Зелинка, со цел „да влијаат на резултатот во корист на Карвина со нивните судиски одлуки“.
Исто така постојат основи за сомневање дека Волф му понудил и на Самуел Шигут, тогашен играч на Чешке Будејевице, поткуп од 100.000 круни и ветување за трансфер во Карвина за да може „да влијае на овој натпревар со својот настап“.
Натпреварот беше решен со пенал за Карвина во втората минута од натпреварот, кој беше досуден за играње со рака, кој, како што објавија медиумите во извештајот од натпреварот, не беше оспорен. Будејевице го загуби натпреварот, но сепак го задржа статусот во првата лига преку плејофот, во кој Карвина исто така играше таа година. Жлин на крајот испадна од лигата таа сезона.
Комисијата за етика покрена постапка против клубот и Јан Волф, поради сомнение дека претходно споменатиот, како претседател на клубот, му понудил поткуп од 100.000 круни на фудбалерот Филип Штепанек од Вишково за „со својата игра да влијае на плејоф-натпреварот“. Карвина остана во лигата по двомечот со Вишково, а двомечот не беше проследен со никакво сомневање за корупција.
