Германија е една од земјите во Европа која прилично успешно се соочува со корона-вирусот. Иако има голем број заразени, најважно е тоа што во Германија смртноста од опасниот вирус е многу помала за разлика од светскиот просек. Токму поради тоа, охрабрувачки се најавите дека во земјата за брзо време ќе почнат работите да се враќаат во нормала.
Што се однесува до фудбалот, се очекува Бундеслигата да продолжи на 9 мај, што е многу порано од тоа што се најавите за продолжување на сезоните во останатите Топ 5 лиги во Европа. Во Германија е пресметано дека ако сезоната не заврши, може да се случи дури 13 од 36-те клубови во најсилните две лиги да банкротираат.
Бундеслигата ќе продолжи без присуство на публика, но и порај тоа, пресметките се дека на стадионите ќе има најмалку 320 луѓе. Тука се вклучени фудбалерите на двата тима, тренерските и лекарските екипи, судиите, децата што собираат топки, луѓето задолжени за техничкиот дел, како и луѓето кои ќе ги прават ТВ-преносите и ќе се грижат за обезбедувањето околу стадионот.
„Викенд со фудбал е многу поподнослив, отколку викенд без фудбал. Затоа мислам дека е подобро да има фудбал зад затворени врати отколку воопшто да нема“, рече премиерот на Баварија, Маркус Содер.
Според пресметките, за безбедно продолжување на Бундеслигата ќе биде потребно да се направат 25.000 тестови за корона-вирусот кои вредат 2,2 милиони евра.
BREAKING: Bundesliga bosses have signed off on a 9th of May return with orders for 25,000 tests costing £2.2m.
Just 322 people per game allowed into stadiums and players required to wash their own kits! pic.twitter.com/4juThB25Aw
— MansionBet (@MansionBet) April 23, 2020
