Англискиот првак Манчестер сити освои само еден бод на гостувањето кај Саутхемптон, откако во меч од 23 коло на Премиер лигата одигра 1:1. Со ова реми, Сити прекина една фантастична серија од 12 победи по ред во првенството и по речиси три месеци „газење“ на ривалите, сега не победија.
Саутхемптон и во првиот дел од сезоната одигра нерешено против Сити и тоа во Манчестер (0:0), па ова реми не треба да е толку изненадувачко. Вокер-Петерс најави дека шампионот нема да си оди победнички од „Сент Мери“ и го доведе Саутхемптон во водство по само седум минути игра.
Граѓаните израмнија преку шпанскиот дефанзивец Лапорт во 65 минута, но фаворизираните гости немаа сили за комплетен пресврт.
И покрај тоа што не победи, Сити останува убедлив лидер во Премиерлигата. Тимот на Пеп Гвардиола има 57 бодови, дури 12 повеќе од Ливерпул, кој тимот од „Енфилд роуд“ има и два меча плус за играње.