За Вардар паричен надомест за одземената прилика да го брани тронот
ЕХФ ќе им подели по 25.000 евра на клубовите во машка и женска конкуренција кои нема да се борат за европските титули.
Извршниот одбор на Европската ракометна федерација одлучи да им додели паричен надомест на екипите кои се исклучени од Лигата на шампионите.
Екипите-учесници во нокаут-фазата на коишто им беше одземена приликата да се борат за Ф4 турнирот ќе добијат по 25.000 евра надомест, а меѓу нив е и актуелниот првак Вардар. Како што е веќе познато, Ф4 турнирот ќе се одржи во декември, а за титулата ќе се борат првите две екипи од групите А и Б, а тоа се: Барселона, ПСЖ, Кил и Веспрем.
Идентичен паричен надомест ќе добијат екипите и во женската конкуренција кои останаа без можност да се борат за финалниот турнир.
