Кристал палас на свој терен ремизираше против Брајтон со 1-1 и сега има серија од четири премиерлигашки мечеви по ред без пораз, а вечерва важно им беше да не загубат бидејќи тренерот Рој Хоџсон славеше јубилеј, 100-ти меч на клупата на овој лондонски клуб.
Билансот на Хоџсон сега е 37 победи, 24 нерешени и 39 порази и стана трет тренер на Палас во 21 век со сто меча на клупата на овој клуб.
Брајтон традицонално е незгоден ривал, во минатата сезона двапати го победи Палас, а и вечерва гостите беа во водство пред да изедначи Вилфрид Заха. Заха е стар „душман“ на Брајтон, тој има дадено шест гола против нив. Против ниту еден друг тим Заха нема дадено толку многу погодоци.
