Залудно перфекцијата на Ут од слободен, кога Шалке нареди 23 меча без победа (видео)
Тимот од Гелзенгирхен последен пат се радуваше на 17 јануари годинава
Трагичната серија на Шалке трае веќе 23 меча без победа во Бундеслигата, по ремито од 2-2 на гости кај Мајнц во дуелот на фенерџиите во германскиот шампионат.
Мајнц ја прекина кризата од шест последователни порази со помош на реализираните пенали на Бросински во шестата и Матета во втората минута од судиското надополнување во првото полувреме.
При водство на гостите, Ут погоди прекрасен слободен удар во 36-тата минута, што не беше доволно за гостите да се мотивираат и по 10 месеци да стават крај на агонијата. Утеха е освоениот бод за Шалке, освоен по автоголот на Сент Џуст во 82-та минута.
Дарко Чурлинов, младинскиот репрезентативец на Македонија, од клупа го проследи ремито меѓу неговиот Штутгарт и Ајнтрахт Франкфурт при конечни 2-2.
Лајпциг лесно го совлада Фрајбург со 3-0, идентично Херта триумфираше на гости кај Аугзбург, додека Унион Берлин беше убедлив со 5-0 против Арминија Билефелд.
