Адеми и Хасани се враќаат за мечевите против Лихтенштајн и Ерменија

Селекторот на фудбалската репрезентација на Македонската, Игор Ангеловски, го соопшти списокот на играчи за дуелите против Лихтенштајн и Ерменија, во групата од Лигата на нациите. На 13-т- октомври во Скопје сме домаќини на Лихтенштајн, а потоа следи дуелот против Ерменија на гости.

Во првите два меча од групата, Македонија славеше против Гибралтар на гости со 2-0, а потоа со истиот резултат во Скопје беше победена Ерменија. За разлика од тој список, Ангеловски сега има тројца нови. Во националниот дрес се враќаат Аријан Адеми од Динамо и Ферхан Хасани од Ал Раед, а повикан е голманот Дамјан Шишковски од Лахти.

„Не бегаме од фаворитската улога. Ќе се обидеме да ја продолжиме фаворитската серија. Ова е стандарден список, а повратници се Шишковски, Адеми и Хасани. Сега се фокусираме на Лихтенштајн и очекуваме победа на тој меч. Потоа ќе размислуваме за Ерменија“, рече селекторот Ангеловски на прес-конференцијата.

Состав: Столе Димитриевски, Давид Милтон Нилсон, Дамјан Шишковски – голмани; Стефан Ристовски, Висар Муслиу, Егзон Бејтиулаи, Кире Ристевски, Дарко Велковски, Мите Цикарски, Кристијан Тошевски – одбрана; Аријан Адеми, Енис Барди, Стефан Спировски, Бобан Николов, Езџан Алиоски, Ферхан Хасани, Елиф Елмас – среден ред; Горан Пандев, Илија Несторовски, Александар Трајковски, Иван Тричковски – напад.

Собирот на репрезентацијата ќе биде на осми октомври.

ПОВРЗАНИ ВЕСТИ

- Оглас -

Најнови вести