Ајнтрахт Франкфурт соопшти дека за нов тренер го именуваше Ади Хитер, кој по пет години се враќа на клупата на германскиот бундеслигаш.
Австрискиот стручњак потпиша тригодишен договор и на таа функција го наследи Алберт Риера, кој минатиот месец спогодбено го напушти клубот по краткиот мандат.
Ајнтрахт претходната сезона ја заврши на осмото место во Бундеслигата, веднаш под позициите кои водат во европските натпреварувања.
„За мене е многу посебно и емотивно што повторно сум тренер на Ајнтрахт. Периодот што го поминав во Франкфурт остави силен впечаток кај мене и секогаш имав чувство дека остана нешто недовршено. Поради тоа сум уште посреќен што добив можност да се вратам и да се посветам на овој предизвик со многу работа, дисциплина и јасен фокус“, изјави Хитер.
Педесет и шестгодишниот тренер првпат го презеде Ајнтрахт во 2018 година и уште во првата сезона го однесе клубот до полуфиналето на Лига Европа. Франкфурт го напушти во 2021 година кога прејде во Борусија Менхенгладбах.
Последниот ангажман го имаше во Монако, со кој го освои второто и третото место во француското првенство. Сепак, во октомври минатата година беше сменет по послабиот почеток на сезоната.
