Продажбата на официјалниот албум со самолепливи сликички посветен на Европското првенство во фудбал почна да се продава, денеска само во продавницата на „Свет“ во центарот на Скопје, а од утре ќе може да се најде на повеќе места во главниот град. Дистрибуцијата низ Македонија стартува од понеделник.
Албумот чини 80 денари, цената на едно пакетче е 40 денари, а во него има по 5 сликички. Со самиот албум добивате 6 гратис сликички. За комплетирање на албумот ви требаат вкупно 668 сликички.
Учеството на Македонија на Евро 2020 предизвикува огромен интерес за албумот не само кај стандардните колекционери туку и кај пошироката јавност. Многумина сакаат да го имаат првиот албум во кој се појавува македонската репрезентација.