Тотенхем доби уште еден сериозен удар, откако Чави Симонс заработи тешка повреда на натпреварот од Премиер лигата против Вулверхемптон.
Инцидентот се случи по дуел со Уго Буено, по кој Симонс падна незгодно, веднаш се фати за коленото и остана да лежи на тревата во болка. Иако накратко се обиде да се врати во игра, брзо стана јасно дека не може да продолжи и беше изнесен на носилки.
Првичните проценки не се оптимистички – постои сомнеж за повреда на предните вкрстени лигаменти, што би значело пауза и до една година.
Тренерот Роберто Де Зерби по натпреварот даде внимателна изјава, нагласувајќи дека сè уште нема официјална дијагноза и дека деталните прегледи ќе следат во наредните денови.
Дополнителна грижа оваа ситуација носи и за селекторот на Холандија, Роналд Куман, кој веќе има проблеми со повеќе повредени клучни фудбалери пред претстојното Светско првенство.
Во следниот период се очекуваат понатамошни медицински прегледи кои ќе ја утврдат сериозноста на повредата и дали Чави Симонс ќе мора да пропушти голем дел и од наредната сезона.
