Алегри: Синтетичката трева е кобна за Кјелини, нема да игра

Капитенот на Јувентус, Џорџо Кјелини, нема да настапи на гостувањето кај Јанг бојс во последниот меч од групната фаза во Лигата на шампионите. Ова го потврди и тренерот Макс Алегри, а главна причина за неговото отсуство од стартните 11 е синтетичката трева.

Италијанскиот дефанзивец во кариерата често, но и многу лесно се повредува кога игра на вештачка подлога, токму затоа предводникот на „старата дама“ нема да ризикува со него.

„Кјелини дефинитивно нема да биде на теренот. Синтетичката трева е кобна за него, лесно се повредува. Завчера дури и му напоменав да не се шета наоколу премногу. Шанса ќе добие Ругани“, истакна Алегри.

На Јувентус му е потребна победа над Јанг бојс (21 часот) за да го потврди првото место во групата Х, каде што засега е лидер по пет меча со 12 бода, додека втор е Манчестер јунајтед со два бода помалку.

- Оглас -

Најнови вести