Иманол Алгуасил ќе биде привремено решение на клупата на Реал Сосиедад, и тоа по вторпат во кариерата, откако досегашниот кормилар Асер Гаритано доби отказ од Баксијците.
Гаритано пристигна летоска во Сан Себастијан, по добрите резултати со Леганес, но не се задржа долго на клупата на Реал Сосиедад. Очекуваните резултати изостанаа, тимот од Баскија ја заврши 2018 година на 15-тото место во конкуренција на 20 клубови во Ла Лига, што не ги исполнува очекувањата.
Алгуасил на крајот на минатата сезона беше во слична улога како и сега, го замени Еузебио Сакристан, кој си замина од кормилото на клубот. Тогаш Иманол имаше солиден учинок од пет победи, едно реми и три порази, но потоа му го препушти местото на Гаритано.
