Шпанскиот тенисер Карлос Алкарас по само два одиграни гемови го предаде мечот од првото коло на турнирот во Рио де Жанеиро, Бразил, против Тијаго Монтеиро, и ги загрижи своите фанови.
Уште во вториот поен на мечот, Алкарас при обид да дојде до топчето, незгодно падна, со повреди скочниот зглоб и го предаде мечот несакаајќи да ризикува потешка повреда. Интересно е што падот наликуваше на оној на Александер Зверев од Ролан Гарос кога неколку месеци мораше да пауза. Но, за разлика од Зверев, повредата на Алкарас не е толку сериозна.
https://twitter.com/i/status/1760110343978643921
„Не е ништо страшно, физиотерапевтите ми рекоа дека не е сериозно. Почувствував голема болка кога паднав. Во тие моменти лошо се чувствував и знаев дека може да ги искомпликувам работите ако продолжам. На мојот тим му реков дека ќе пробам да одиграм два гема и ако не можам да продолжам, ќе го предадам мечот. Да го продолжев мечот, ќе беше многу полошо“, изјави Алкарас по мечот.
Carlos Alcaraz rolls his ankle 2 points into his match against Monteiro in Rio.
He looks concerned. The ankle is visibly swollen.
Hopefully it isn’t anything too serious. 🙏❤️🩹 pic.twitter.com/ZV5lfJ0Is9
— The Tennis Letter (@TheTennisLetter) February 21, 2024
Алкарас пред себе има десетина дена да се опорави од повредата и да биде подготвен за егзибицискиот меч против сонародникот Рафаел Надал кој е закажан за трети март во Лас Вегас, САД, во организација на Нетфликс.
