Карлос Алкарас и Данил Медведев се пласираа во полуфиналето на Мастерс турнирот Индијан Велс во САД откако двајцата славеа со 2:0 во сетови. Алкарас беше подобар од Зверев, а Медведев го победи Холгер Руне.
Дуелот меѓу Алкарас и Зверев имаше невообичаен тек. Само што беа одиграни првите два гема, на теренот се појавија рој пчели. Алкарас сакаше со рекетот да ги избрка, но само дополнително ги налути, па Шпанецот немаше друга опција, освен да избега од теренот. Судијата го прекина мечот затоа што пчелите почнаа и да напаѓаат. Боцнати беа и Алакрас, но и судијата.
A pause for… bees?! 🐝
Carlos Alcaraz and Alexander Zverev's quarter-final match has been SUSPENDED due to a swarm of bees 🤯 pic.twitter.com/w8rALgPYU8
— Sky Sports Tennis (@SkySportsTennis) March 14, 2024
Откако се смири ситуацијата, мечот продолжи, а Алкарас доминираше. Првиот сет го доби со 6:3, а во вториот беше уште поубедлив и славеше со 6:1.
„Беше чудно. Никогаш претходно немав видено такво нешто на тениски терен. Наезда на пчели претходно сум гледал само на телевизија. Овој меч ќе го памтам цел живот поради пчелите. Нема да лажам, малку и се плашам од пчели“, рече Алкарас по мечот.
Our hero has arrived.
This man is taking on the bees in the Alcaraz Zverev delay without fear.
No bee keeping suit.
Not even gloves.
We salute you. 🫡🐝
— The Tennis Letter (@TheTennisLetter) March 14, 2024
Во полуфиналето, Алкарас ќе игра против Медведев, кој со 7:5, 6:4 беше подобар од Руне.