Карлос Алкараз беше подобар од Русинот Роман Сафиулин со 6-4, 6-2, и се најде во четвртфиналето на машкиот олимписки турнир во тенис.
Алкараз во четвртфиналето во Париз ќе игра со Американецот Томи Пол, и ќе биде голем фаворит за победа и пласман во полуфиналето. Другиот главен кандидат за влез во финале, Новак Ѓоковиќ, треба да игра четвртфинале со Стефанос Циципас.
Победата на Алкараз над Сафиулин дојде во вистински момент затоа што во Париз почна да врне дожд, па прекинат е дуелот на Данил Медведев со Феликс Оже-Алиасим.
Шпанецот малку ќе одмори, а вечерва во тандем со Рафаел Надал ќе играат четвртфинале во двојки против Американците Крајичек и Рам.
