По елиминацијата на Фенербахче, вечерва шокантен пораз во Купот на Турција доживеа и Галатасарај. Турскиот гигант на свој терен во Истанбул загуби од Генчлербирлиги со 0:2. Трагичар на мечот беше голманот на Галатасарај, Гунај Гувенч кој имаше лоши интеревенции во акциите по кои гостите ги постигнуваа головите.
На крајот, Гунај беше исвиркан од домашните навивачи, а тој со солзи во очите го напушти теренот, додека соиграчите го тешеа.
Günay Güvenç’in maç sonu gözyaşlarına hakim olamadığı anlar.pic.twitter.com/onL9q8WSDf
— Peşindeyiz Galatasaray! (@PesindeyizApp) April 22, 2026
Искусниот 34-годишен резервен голман на Галатасарај посебно киксираше во 83 минута кога гостинскиот тим стигна до водство од 2:0 и едноставно го откажаа домаќинот во обидот да се спаси од елиминација. Откако со свирежи беше испратен во соблекувалната, соиграчите на Гунај решија да го вратат голманот од соблекувалната на теренот и му дадоа поддршка да се извини на навивачите, кои свирежите на крајот ги заменија со аплаузи, затоа што фановите едноставно сфатија дека токму на голманот кој е виновник за елиминацијата, сега му е најтешко и му е потребна поддршка.
Barış Alper Yılmaz soyunma odasına giderek Günay Güvenç’i sahaya getirdi.pic.twitter.com/aoMUJTLl99
— Peşindeyiz Galatasaray! (@PesindeyizApp) April 22, 2026
