Некогашна СФР Југославија има неколку големи ѕвезди во НБА лигата, и многумина се прашуваат дали една селекција составена од тие играчи би имала шанса да ги победи Американците. Еден портал пресмета што би се случило кога екс Југославија би играла против петорка од ѕвезди родени во богатата сојузна држава Калифорнија.
За Калифонија би играле Расел Вестбрук, Демиен Лилард, Џејмс Харден, Каваи Ленард и Кевин Лав.
Петорката на екс Југославија е Горан Драгиќ, Богдан Богдановиќ, Лука Дончиќ, Никола Вучевиќ и Никола Јокиќ.
Според мислењето на порталот, мечот би бил многу тесен, но благодарение на центрите, Југославија би победила со 103-102, а МВП би бил Јокиќ кој би имал трипл-дабл од 30 поени, 15 скока и 11 асистенции. Најефикасен кај Калифорнија би бил Лилард со 40 поени, но тој би го утнал шутот за победа во последна секунда.
