Белгискиот фудбалер Еден Азар вчера изјави дека не разговара со неговиот тренер во Реал Мадрид, Карло Анчелоти, но дека има почит кон италијанскиот стручњак.
На денешната прес-конференција, Анчелоти потврди дека слабо комуницира со Азар, а објасни и зошто Еден е закован на клупата за резерви и речиси никогаш не влегува во игра.
„Ми се допаѓа искреноста на Азар. Точно е дека слабо комуницираме, но тоа е работа на карактерот, не дека сме скарани. Рекол и дека ме почитува, и тоа е најважно. И јас го почитувам. Тој ретко игра затоа што конкуренцијата на негова позиција е многу силна, на тоа место имаме играч кој е во многу подобра форма, тоа е Винисиус“, објасни Анчелоти.
