Реал Мадрид со 4:1 го победи Еспањол во шестото коло од Примера дивисион, а тренерот на на Кралскиот клуб, Карло Анчелоти беше задоволен од прикажаното на неговата екипа. Актуелниот шпански и европски првак спои четири победи по ред во септември и сите беа со најмалку два гола разлика.
Против Еспањол, гостите први дадоа гол и тоа во 54 минута, а иако до крајот имаше само околу 35 минути, Реал не само што направи пресврт, туку стигна и до убедлив триумф.
„Задоволен сум од тоа што го видов против Еспањол. Интересен меч во кој фудбалерите реагираа позитивно откако го примивме голот. Започнавме да играме многу подобро. Создаваме шанси и реализираме дел од нив. Постепено се доближуваме до најдобрата верзија од нашиот тим“, задоволно коментираше Анчелоти.
Реал Мадрид има 14 бодови од шест кола и е на второто место на табелата, зад лидерот Барселона, кој има максимални 15 бодови од пет дуели. Каталонскиот гигант денеска го чека тешко гостување кај Вилјареал, тим кој уште нема пораз во новата сезона.
