Напаѓачот на Ливерпул, Мохамед Салах, ќе го пропушти остатокот од сезоната откако заработи повреда на бутниот мускул при победата од 3-1 во Премиер лига против Кристал Палас, изјави директорот на египетската репрезентација Ибрахим Хасан.
33-годишниот фудбалер, кој веќе најави дека ќе го напушти актуелниот шампион на Англија по крајот на сезоната, ја поздрави публиката кога излезе од игра поради повреда во 60-тата минута.
Според Хасан, сепак, Салах ќе биде подготвен за Светското првенство.
🚨🗣️ Ibrahim Hassan:
— Salah Updates (@SalahUpdates) April 25, 2026
"The diagnosis has been confirmed for Mohamed Salah's hamstring tear, and he will be sidelined from the pitches for 4 WEEKS.. There is ongoing monitoring of Mohamed Salah's condition, and his injury will not affect his participation in the 2026 World Cup! pic.twitter.com/GvxUU7OOIq
Ливерпул не објави официјални информации за состојбата на Салах, но Хасан истакна дека египетската ѕвезда го одиграла последниот натпревар за Црвените.
„Станува збор за кинење на задната ложа и ќе му бидат потребни четири недели рехабилитација“, изјави Хасан.
По девет сезони исполнети со трофеи, ерата на Салах во Ливерпул се приближува кон крај. Неговото збогување ќе биде одбележано со обраќање до навивачите по последниот натпревар од сезоната против Брентфорд. До крајот, Ливерпул има уште два домашни меча, против Челзи (9 мај) и против Брентфорд (24 мај), како и гостувања кај Манчестер јунајтед (3 мај) и Астон Вила (17 мај).
Како трет најдобар стрелец во историјата на Ливерпул, Салах оваа сезона има 12 голови и девет асистенции во сите натпреварувања. Хасан потврди дека Салах ќе биде подготвен за Светско првенство 2026, каде што Египет ќе игра во група со Белгија, Нов Зеланд и со Иран.
