Квалификациите за Европското првенство во 2024 година се во завршната фаза. Во следните три месеци ќе бидат познати репрезентациите кои ќе обезбедат место на завршницата на континенталниот собир кој следната година ќе се игра во Германија.
Традиционално, домаќините на ЕП воопшто не играат во квалификациите и имаат обезбедено директно место на звршницата, па Германија во овој период игра пријателски средби.
Според распоредот, УЕФА на 10 октомври оваа година ќе го соопшти домаќинот на ЕП 2028 година. Турција е еден од кандидатите, додека втората кандидатура е заедничка на Англија, Шкотска, Велс, Северна Ирска и Република Ирска.
Доколку петте земји кои сакаат заедничка организација ја добијат довербата, што е повеќе од очекувано, се најавува дека ќе се добијат само две сигурни места на завршницата и ниедно од тие нема да биде за Англија. Велс и Северна Ирска би ги добиле двете покани за директно учество на ЕП, додека Англија, Шкотска и Република Ирска би ги играле квалификациите. Англија би требало да биде базата за ЕП 2028 година и навистина шок би било ако Гордиот Албион не успее да игра во завршницата.
🚨 England will have to play qualifying matches for EURO 2028 even if they are the main host for the tournament under a plan being considered by UEFA, which is only planning on offering two automatic spots for the five co-hosts.
(Source: Times Sport) pic.twitter.com/P0zy3upTsC
— Transfer News Live (@DeadlineDayLive) September 19, 2023
