Фудбалерите на Борнмут и на Кристал палас не можеа да ја погодат мрежата во 90 минути, плус вообичаеното судиско продолжение, а потоа приредија спектакуларно пенал-шоу дури со 24 изведени удари, по 12 за двете екипи.
До десеттата серија немаше утка, а потоа голманот на Борнмут, Асмир Беговиќ не погоди, па Кристал палас беше на прагот на следното коло, но не успеа.
Пеналот, 11-ти по ред за гостите што можеше да ги одведе во следната рунда на Лига купот на Англија, го промаши и голманот на Кристал палас, Вејн Хенеси, па долгата ноќ и пеналите продолжија на „Виталити“ во Борнмут.
15th September 2020: After a terrible 90 minutes in the Carabao Cup at Bournemouth, Palace get to a shoot-out, much maligned keeper Wayne Hennessey miraculously saves the 11th penalty before blazing his potential winner into the car park straight after. pic.twitter.com/4pkGIeTsJg
— HLTCO (@HLTCO) September 15, 2020
Дејвид Брукс, кој го шутираше првиот пенал за Борнмут пак погоди и во 12-тата серија на пенали, а на спротивната страна промаши Лука Миливојевиќ, најсигурниот пеналџија кај Палас, што значеше и елиминација на гостите.
Миливојевиќ е стандарден изведувач на ударите од белата точка во својот тим, беше прецизен како и Брукс на стартот од пенал-шоуто, но потоа не успеа пак да погоди и Борнмут се пласираше во следната рунда на популарниот ЕФЛ-куп.
Во следното коло популарните „цреши“ ќе играат против Манчестер сити.
