Фудбалската репрезентација на Македонија се врати во Скопје по историскиот настап на Европското првенство, а на скопскиот аеродром фудбалерите беа пречекани како европски шампиони, а не само учесници.
Први во редот да им посакаат „добре дојдовте дома“ застанаа директорот на АМС и ракометна легенда Наумче Мојсовски, како и претседателот на Кошаркарската федерација, Перо Антиќ. Мојсовски и Антиќ му се поклонија на најголемиот Горан Пандев, кој вчера го одигра последниот натпревар во националниот дрес.
