Информацијата дека му застанало срцето на Диего Марадона во неговиот дом во градот Тигре и дека подоцна тој починал во болница, ја зави во црно цела Аргентина. Марадона неодамна наполни 60 години, а потоа имаше операција на главата. Сепак, се чинеше дека состојбата му се подобрува, затоа и изненадувањето и шокот по веста се големи.
На една од неговите последни фотографии направени во болница по операцијата се гледаше дека Марадона е добро расположен и изгледаше прилично добро. Но, како што кажуваа неговите лекари, тој не бил дисциплиниран пациент и комбинациите од дрога и алкохол направија тој предвреме да го напушти светот.