Тревор Ариза беше најавуван како можно засилување на Лос Анџелес лејкерс, но кариерата ќе ја продолжи во Вашингтон визардс, како дел од размената меѓу Феникс санс и клубот од главниот град на САД.
Ариза играше одлично сезонава за Феникс, но на тимот му треба свежа крв и помлади играчи, па за Тревор во размената ги добија 23-годишниот Кели Убре јуниор и три години повозрасниот Остин Риверс.
Вашингтон се обиде да го ангажира 33-годишното крило пред почетокот на оваа сезона, но Ариза потпиша едногодишен договор со Санс за 15 милиони долари. Сепак, желбата на раководството на Визардс се оствари и Тревор ќе игра за нив, иако имаше најави дека е можно да замине во Лос Анџелес лејкерс, или во Мемфис.
