Арсенал го комплетираше ангажманот на Алекс Рунарсон, голманот на Дижон, само за еден милион фунти. Исландскиот репрезентативец потпиша четиригодишен договор со Топчиите и ќе му биде резервна опција на Микел Артета, зад Бернд Лено.
Арсенал направи добра зделка со Рунарсон, со оглед на тоа дека остварија профит од 20 милиони фунти по продажбата на Емилијано Мартинес во Астон вила, чуварот на мрежата кој бранеше за Топчиите во финалето од ФА купот и Комјунити шилд.
Рунарсон има 25 години, а во две години како член на Дижон запиша вкупно 45 настапи во сите натпреварувања.
https://twitter.com/Arsenal/status/1308085077746823173
