Борусија Дортмунд го официјализираше трансферот на Торган Азар од редовите на Б. Менхенгладбах само еден ден подоцна откако го претстави првото засилување, Нико Шулц. Белгискиот репрезентативец, а воедно и брат на ѕвездата на Челзи, Еден Азар, го стави својот потпис на петгодишен договор, односно до јуни 2024 година.
Милионерите исплатија 25,5 милиони евра за услугите на Белгиецот, а во најскоро време се очекува официјализирање на уште еден трансфер, тоа е Јулијан Брант од Баер Леверкузен.
Азар, исто како и неговиот постар брат, ги покрива двете крилни позиции, а може да игра и на позицијата „десетка“. За тимот на Мехненгладбах настапи вкупно на 182 натпревари, на кои запиша 46 погодоци и 44 асистенции.
Не е првпат Дортмунд да купи фудбалер од ривалот Менхенгладбах. Меѓу позначајните трансфери од минатото е Марко Ројс, сегашниот капитен на Милионерите, а сега редот е на Азар да ги оправда средствата.
Ich packe meine Kiste und nehme mit…#Hazard2024 pic.twitter.com/p651I64d8T
— Borussia Dortmund (@BVB) May 22, 2019
