Бохум и Баер Леверкузен одиграа 0-0 во меч од Бундеслигата кој не донесе промена на табелата. Фармацевтите се трети и тешко дека ќе одат погоре, а Бохум со само шестото реми сезонава, дојде на чекор од обезбедување опстанок.
Баер е екипа која е позната по ефикасниот напад и не толку квалитетната одбрана, тие се тим кој често и дава и прима гол, а ова им е прв натпревар сезонава кој заврши со 0-0. Претходниот меч без даден или примен гол го имаа во мај минатата година против Вердер.
