Баерн Минхен го демолираше Баер Леверкузен и славеше со 5:1, во меч кој требаше да биде дерби во Бундеслигата. Германскиот првак уште во првото полувреме ги реши сите дилеми околу победникот, а мечот ќе се памти.
Роберт Левандовски со прекрасен погодок со петица ја најави голеадата во првиот дел и тоа по само три минути игра.
🚨 GOAL! Robert Lewandowski
Lewandowski scores a back-heel goal only 3 minutes into the game vs Bayer Leverkusen. #B04FCB#Bayern | #BayernMunich | #FCB
pic.twitter.com/XpvCbsGNGw— Ronard Addo (@ronard_addo) October 17, 2021
Потоа беше мирно до 30 минута, а потоа следуваше „експлозија“ на гостите. Во периодот од 30 до 37 минута, Баерн даде четири гола. Левандовски погоди за 2:0, а Томас Милер беше прецизен во 33 минута за 3:0. Следуваа два гола на Гнабри кој ја тресеше мрежата на Баер во 34 и 37 минута, кога на семафорот стоеше 0:5.
Само два пати претходно во историјата на Бундеслигата се случило гостинска екипа да даде пет гола за помалку од 37 минути. Тоа два пати се случило во иста година и тоа во 1964 година кога Борусија Дортмунд за 23 минути постигнала пет гола на гости кај Шалке, како и Карлсруе кој постигнал пет гола на гости во Франкфурт. Од таа 1964 година до сега не се најде тим што ќе даде пет гола на гости за помалку од 37 минути.
5 – There’s only been two instances of a Bundesliga team scoring five goals earlier in an away match than FC Bayern have done so today (37 minutes) – Dortmund in 1964 at Schalke (after 23 minutes) and Karlsruhe also in 1964 in Frankfurt (30 minutes). Flood. #B04FCB pic.twitter.com/OqeT8LNlId
— OptaFranz (@OptaFranz) October 17, 2021
Во второто полувреме Баерн го намали темпото на игра, а тоа го искористија домаќините кои постигнаа почесен погодок преку Патрик Шик во 55 минута.