Младиот Англичанец Џејдон Санчо, како еден од најдобрите фудбалери во Бундеслигата, им привлекува внимание на многу клубови кои би сакале да го имаат во своите редови, а сега во трката се вклучил и Баерн Минхен.
Баварците се познати по тоа што често го ослабуваат конкурентот Борусија Дортмунд со тоа што ги купуваат најдобрите играчи од тој клуб. Левандовски, Хумелс и Геце се само дел од играчите кои во последните години се прославија во Борусија, а заминаа во Баерн.
И Челзи и двата премиерлигаши од Манчестер се интересираат за Санчо, но во Борусија најмногу треба да се плашат дека Санчо може да премине во редовите на ривалот.
Германскиот првак бара нови крила и нема да жалат пари за да донесат квалитетен играч. На Санчо е да одлучи дали ќе ја „предаде“ Борусија и ќе оди во Баерн или ќе се врати во Англија за да остави трага и дома. Договорот со Борусија му трае до летото 2022 година.