Баерн Минхен го претстави специјалниот дрес посветен на пивскиот фестивал Октоберфест, кој поради пандемијата, годинава нема да се одржи.
Октоберфест е дел од баварскиот начин на живот, длабоко е вкоренет во срцата на локалните жители во Минхен, па Баерн доби дрес во кој клубот се поврзува со градот и традицијата.
Дресот е со темнозелена боја, а околу логото на клубот го има препознатливиот венец на Октоберфест. Баерн само еднаш ќе игра во овој зелен дрес, и тоа утре, на дуелот со Бохум на „Алијанц арената“.
