Барселона ја активираше клаузулата за продолжување на договорот со Рики Пуџ до 2023 година, а отштетната клаузула за предвремено заминување од клубот на 21-годишниот играч изнесува 100 милиони евра.
Првиот договор што талентираниот фудбалер за врска го потпиша со клубот во 2018 година имаше и таква клаузула за автоматско продолжување на уште две години, што Барселона го искористи и го задржа големиот талент во своите редови.
Со доаѓањето на Роналд Куман на кормилото на Барселона, Пуџ има мала минутажа, па Холанѓанецот дури и предложи тој да биде позајмен во друг клуб, што сè уште останува како реална опција и покрај продолжувањето на договорот.
Сепак, 21-годишниот играч за врска е упорен, изјави дека ќе остане во својот клуб и ќе се бори за место во првата постава во конкуренција со Бускетс, Де Јонг и Пјаниќ.
