Поранешниот играч на Вардар, Тигран Барсегјан, игра неверојатно добро во квалификациите за Лигата на шампионите, а заедно со соиграчите од Слован Братислава го репризираа претходниот подвиг против Динамо Батуми и денеска со Ференцварош и пак победија на гости со 2:1.
Унгарците водеа со голот на Закаријасен постигнат во 70-тата минута, а Кешија израмни со погодок во 81-вата минута.
Првакот на Словачка повторно потврди дека е опасен кога губи и знае да направи целосен пресврт, а вечерва тоа го стори Барсегјан со победнички гол во 86-тата минута.
Реваншот од второто квалификациско коло за Лигата на шампионите ќе се игра за една седмица во Братислава, а Слован и во претходното коло приреди сличен подвиг.
Тогаш во Батуми, Грузија, губеа во продолженијата со гол примен во 104-тата минута, а сепак победија, и тоа со головите на Барсегјан во 115-тата минута и на Вајс во 123-тата минута и минаа понатаму.
Пред мечот, хулиганите на Ференцварош се обидоа да го нападнат гостинскиот автобус, но беа спречени од полицијата.
UCL. 20.07.2022
Ferencvaros – Slovan Bratislava.
Before the game, Ferencvaros (+ friends) tried to attack buses with Slovan Bratislava (+ friends) but the police stopped them. pic.twitter.com/4C3IuCyHjT— HooligansTV (@HooligansTV_eu) July 20, 2022
Вечерва во досега одиграните први дуели од второто квалификациско коло, П’лзењ го победи Хелсинки со 2:1 на гости, а нерешено 0:0 завршија дуелите Динамо Киев – Фенербахче и Марибор – Шериф Тираспол и 1:1 мечот меѓу Макаби Хаифа и Олимпијакос.
