Точно пред четири месеци Николо Ѕаниоло се здоби со тешката повреда на коленото во дуелот против Јувентус, но офанзивецот на Рома потполно ја надмина повредата и почна да тренира. Му се предвидуваше пауза до крајот на сезоната, но со оглед на тоа дека таа се прекина принудно поради пандемијата со корона-вирусот, му овозможи на Ѕаниоло да работи на камбекот.
На 13 јануари Ѕаниоло ги скина вкрстените лигаменти од десното колено во мечот против италијанскиот првак и беше голема загуба за тимот на Фонсека, ако се знае дека младиот Италијанец е еден од клучните играчи на Волчицата.
Ѕаниоло преку својот инстаграм-профил објави видео како тренира со натпис „Се вратив“, како најава дека е подготвен во пресрет на рестартирањето на сезоната во Серија А.
https://www.instagram.com/p/CAHpnd2qbQE/?igshid=18y955s179o6h