Натпреварот од квалификациите за пласман на СП 2026 година кој идната недела требаше да се игра во Пјонгјанг е откажан, а причината е навистина бизарна.
Според јапонската новинска агенција Кјодо, Северна Кореја која нема дипломатски односи со Јапонија, одлучила да не го организира натпреварот поради загроженост дека може во земјата да им донесат заразни болести. Тие бараат натпреварот да се игра на неутрален терен, но конечната одлука ќе ја донесе ФИФА.
Северна Кореја и Јапонија се наоѓаат во групата Б за СП 2026 заедно со Сирија и Мјанмар.
Japan 🇯🇵 vs North Korea 🇰🇵 2nd leg match of the WCQs is cancelled.
The North Korean authorities refused to host the match due to fears of a virus spreading in Japan. No neutral venues has been arranged.
FIFA committee will decide on further actions.https://t.co/qIUQiGE5dm
— Samurai Warrior (@SamuraiWarrio17) March 22, 2024
Северна Кореја последен пат била домаќин на натпревар меѓу репрезентации во 2019 година и мечот се одиграл во Пјонгчанг. Потоа Северна Кореја се повлече од квалификациите за СП 2022 поради пандемихата на коронавирусот.
Ова не е првпат Северна Кореја да одложи фудбалски натпревар годинава. Во февруари во Пјонгчанг требаше да играат женските репрезентации на Северна Кореја и Јапонија, но власите во Пјонгјанг во последен момент го откажаа мечот кој потоа се одигра на неутрален терен во Саудиска Арабија.
