Летонскиот плејмејкер Артурас Жагарс доживеа тешка повреда на пријателскиот дуел меѓу неговиот БЦ Волфс и екипата на Лијеткабелиса. Овој брз и пробивен кошаркар воодушеви со своите игри на Светското првенство кое неодамна се играше.
Летонија беше вистинска сензација на Мундобаскетот и на крајот стигна до петото место на планетарниот собир со шест победи и два порази. Жагарс беше вистински предводник во тој историски успех на Летонија која прв пат играше на Светско првенство и стигна до петото место. Имаше 12,4 поени, 2,6 скока и 7,4 асистенции по меч, а постави и рекорд кога направи 17 додавања на дуелот против Литванија.
Талентираниот 23-годишен кошаркар сега би требало да паузира до крајот на сезоната, откако заработи тешка повреда на коленото. При еден пробив на противничкиот кош, Жагарс незгодно згазна и ги скина лигаментите на коленото.
Latvian wonderboy Arturs Zagars suffers what seems to be a severe knee injury 🙏
🎥 @betsafeLKL pic.twitter.com/lYj7YzHG9t
— BasketNews (@BasketNews_com) October 14, 2023
