По испаѓањето на Манчестер јунајтед од Лига купот, повторно се спомнува можно заминување на Оле Гунар Солскјер од позицијата менаџер на Црвените ѓаволи, а интересно е што за негов наследник се спомнува Кристијано Роналдо.
Некогашниот играч и тренер на Тотенхем, Тим Шервуд, изјави дека Португалецот најмногу за 18 месеци ќе почне тренерска кариера, и тоа во неговиот сегашен тим.
„Го гледам Роналдо како тренер на Јунајтед. Тоа ќе се случи најмногу за 18 месеци. Ако Јунајтед ги освои Премиер лигата, Лигата на шампионите, и ФА купот, Солскјер веројатно ќе остане. Но, ако тоа не се случи, мислам дека ќе има нов тренер“, рече Шервуд.
Кристијано на мечот со Јанг бојс стоеше покрај Солскјер и му даваше совети на тимот. Претходно нешто слично се случи и во финалето на Европското првенство во 2016 година.
